Bikote‑harreman toxikoei buruzko begirada feminista, kritikoa eta gordina eskaintzen du. Obra honek erakusten digu erosotasun‑eremutik irteten, patriarkatuari aurre egiten eta atsekabeturik gaudenean bizitza hobe baten alde borrokatzen.
Mendekotasunaren eta sumisioaren aurkako protesta da, etxean genero‑ikuspegia aintzat hartzera eta enpatia eta osasun mentala baloratzera bultzatzen gaituena.
Artista ospetsu baten emaztea maneiatzen duzu, eta etxeko lan guztiez arduratzen zara egunero. Badirudi etxean dena ondo doala, harik eta pixkanaka zure lekua galtzen duzun arte.
“Lekurik gabe geratzea” premisapean lehiaketa baterako sortua, izenburuak “gizon handi baten atzean, beti dago emakume handi bat” esamoldea aipatzen du. Itxuraz bizimodu lasaia bizi duen arren, protagonista desplazatuta sentitzen hasten da, antsietatea eta angustia jasaten, beti bere senar egozentrikoaren itzalean baitago.
Jokoaren sailkapena - Ez dago eskuragarri
Nabigatzailean bertan jokatu daiteke eta segituan sartzen zara jokoan. Jolasteko zer egin behar den ondo ulertzen da baita ere.
Hasiera batean gauza berezirik ez duela ematen du, baina minutu batzutan protagonistaren egoeraz jabetzen zara, dituen etxeko lan guztiak, zeinen estresantea den… Oso bideojoko interesgarria iruditu zait hauetaz ohartarazteko.